நீங்கள் தேடியது "ஆஸ்திரேலியா இலங்கை தொடர்"

ஆஸ்திரேலியா - இலங்கை இடையில் இரண்டு போட்டிகள் கொண்ட டெஸ்ட் தொடர் நடைபெற்றது. முதல் போட்டியில் ஆஸ்திரேலியா இன்னிங்ஸ் மற்றும் 40 ரன்னிலும், 2-வது போட்டியில் 366 ரன்கள் வித்தியாசத்திலும் வெற்றி பெற்று தொடரை 2-0 எனக் கைப்பற்றியது. இத்தொடருக்கு வார்னே - முரளீதரன் என்று பெயரிடப்பட்டுள்ளது.

இதில் இலங்கை மோசமான தோல்வியை சந்தித்தது குறித்து முரளீதரன் கூறுகையில் “குசால் மெண்டிஸ் போன்ற இளம் வீரர்கள் அதிக திறமை பெற்றுள்ளனர். ஆனால் அவர்களால் தொடர்ச்சியாக சிறப்பான ஆட்டத்தை வெளிப்படுத்த முடியவில்லை. இது அவர்களின் பேட்டிங் மீது அதிக நெருக்கடியை ஏற்படுத்துகிறது.

கடந்த 3-4 ஆண்டுகளாக இந்த கதை தொடர்கிறது. இதில் எந்த முன்னேற்றமும் இல்லை. இதுதான் தற்போது நிகழ்ந்துள்ளது. சர்வதேச போட்டியில் களமிறங்குபோது என்ன செய்ய வேண்டும் என்ற திறன் அவர்களிடம் இல்லை.

தற்போது இலங்கை மிகவும் மோசமாக விளையாடுகிறது. அதேபோல் ஆஸ்திரேலியாவின் ஆட்டமும் முன்னர் போல் சிறப்பாக இல்லை. எனினும், ஆஸ்திரேலியாவை விட இலங்கை அணி மிகவும் மோசமாக விளையாடியது.

இலங்கை வீரர்கள் அவர்களுடைய லெவலில் சற்று முன்னேற்றம் அடைந்துள்ளது. இதனால் ஆஸ்திரேலிய மண்ணில் இலங்கை டெஸ்டை வெல்ல வாய்ப்புள்ளது என்று கூறுவது கடினம். இது நடப்பதாக நான் பார்க்கவில்லை” என்றார்.

ஆஸ்திரேலிய அணியின் முன்னணி வேகப்பந்து வீச்சாளர் மிட்செல் ஸ்டார்க். இந்தியாவிற்கு எதிரான நான்கு போட்டிகள் கொண்ட டெஸ்ட் தொடரில் பெரிய அளவில் சாதிக்கவில்லை. இலங்கைக்கு எதிரான முதல் டெஸ்டிலும் சோபிக்கவில்லை. ஐந்து போட்டிகளிலும் 15 விக்கெட்டுக்கள் மட்டுமே வீழ்த்தியுள்ளார்.

பேட் கம்மின்ஸ் அபாரமாக விளையாடி வரும் நிலையில், மிட்செல் ஸ்டார்க் திணறி வருகிறார். இதனால் அவர் மீது கடும் விமர்சனம் வைக்கப்படுகிறது.

இந்நிலையில் 200 விக்கெட்டுக்கள் வீழ்த்தியுள்ள மிட்செல் ஸ்டார்க்கை விமர்சனம் செய்வது நியாயமானதல்ல என்று சுழற்பந்து வீச்சாளர் நாதன் லயன் தெரிவித்துள்ளார்.

இதுகுறித்து நாதன் லயன் கூறுகையில் ‘‘உண்மையிலேயே மிட்செல் ஸ்டார்க் குறித்த விமர்சனங்களை என்னால் புரிந்து கொள்ள முடியவில்லை. மிட்செல் ஸ்டார்க் 200 விக்கெட்டுக்கள் வீழ்த்தியுள்ளார். யாராவது ஒருவரால் 200 விக்கெட் வீழ்த்த முடியும் என்றால், என்ன செய்து கொண்டிருக்கிறோம் என்பது அவருக்குத் தெரியும். மிட்செல் ஸ்டார்க்கிற்கு நான் ஆதரவாக உள்ளேன். வீரர்கள் டிரஸ்ஸிங் அறையில் ஒவ்வொருவரும் ஆதரவாக உள்ளனர். ஆகவே இது முற்றிலும் நியாயமானதல்ல’’ என்றார்.

ஆஸ்திரேலியா - இலங்கை இடையிலான முதல் டெஸ்ட் கிரிக்கெட் போட்டி பிரிஸ்பேனில் பகல்-இரவு ஆட்டமாக நடைபெற்று வருகிறது. நேற்றைய முதல் நாள் ஆட்டத்தில் இலங்கை முதல் இன்னிங்சில் 144 ரன்னில் சுருண்டது. பேட் கம்மின்ஸ் 4 விக்கெட்டும், ரிச்சர்ட்சன் 3 விக்கெட்டும் வீழ்த்தினர்.

பின்னர் ஆஸ்திரேலியா முதல் இன்னிங்சை தொடங்கியது. நேற்றைய முதல்நாள் ஆட்ட முடிவில் ஆஸ்திரேலியா 2 விக்கெட் இழப்பிற்கு 72 ரன்கள் எடுத்திருந்தது.

மார்கஸ் ஹாரிஸ் 40 ரன்களுடனும், நாதன் லயன் ரன்ஏதும் எடுக்காமலும் களத்தில் இருந்தனர். இன்று 2-வது நாள் ஆட்டம் தொடங்கியது. ஹாரிஸ் 44 ரன்கள் எடுத்த நிலையிலும், நாதன் லயன் 1 ரன்னிலும் அடுத்தடுத்து ஆட்டமிழந்தனர்.

இதனால் ஆஸ்திரேலியா 82 ரன்னுக்குள் நான்கு விக்கெட்டுக்களை இழந்து தத்தளித்தது. ஐந்தாவது விக்கெட்டுக்கு லாபஸ்சேக்னே உடன் டிராவிஸ் ஹெட் ஜோடி சேர்ந்தார். இந்த ஜோடி சிறப்பாக விளையாடி ஆஸ்திரேலியாவை சரிவில் இருந்து மீட்டது. அரைசதம் அடித்த இருவரும் சதத்தை நோக்கி சென்றனர்.

ஆனால் அணியின் ஸ்கோர் 248 ரன்களாக இருக்கும்போது லாபஸ்சேக்னே 61 ரன்கள் எடுத்த நிலையில் ஆட்டமிழந்தார். அடுத்து வந்த கேப்டன் டிம் பெய்ன் ரன்ஏதும் எடுக்காமல் முதல் பந்திலேயே ஆட்டமிழந்தார்.


லக்மல்

டிராவிஸ் ஹெட் 84 ரன்கள் எடுத்த நிலையில் லக்மல் பந்தில் ஆட்டமிழந்தார். அறிமுக வீரர் பேட்டர்சன் 30 ரன்களும், மிட்செல் ஸ்டார்க் 26 ரன்களும் அடிக்க ஆஸ்திரேலியா 323 ரன்னில் ஆல்அவுட் ஆனது. இலங்கை அணி சார்பில் வேகப்பந்து வீச்சாளர் லக்மல் ஐந்து விக்கெட்டுக்கள் வீழ்த்தினார்.

பின்னர் 179 ரன்கள் பின்தங்கிய நிலையில் இலங்கை அணி 2-வது இன்னிங்சை விளையாடியது. இன்றைய 2-வது நாள் ஆட்ட முடிவில் அந்த அணி 1 விக்கெட் இழப்பிற்கு 17 ரன்கள் எடுத்துள்ளது. இலங்கை அணி இன்னும் 162 ரன்கள் பின்தங்கிய நிலையில் உள்ளது.

இலங்கை அணி ஆஸ்திரேலியாவுக்கு எதிராக 2 டெஸ்ட் போட்டிகள் கொண்ட தொடரில் விளையாடுகிறது. ஆஸ்திரேலியா - இலங்கை அணிகள் மோதும் முதல் டெஸ்ட் போட்டி இன்று பிரிஸ்பேனில் தொடங்கியது. பகல் - இரவு ஆட்டமாக நடைபெறும் இந்த ஆட்டத்தில் டாஸ் ஜெயித்த இலங்கை அணி கேப்டன் சண்டிமல் பேட்டிங் தேர்வு செய்தார்.

இதைத்தொடர்ந்து களமிறங்கிய இலங்கை அணியின் தொடக்க ஆட்டக்காரர் திரிமானே 12 ரன்னில் கம்மின்ஸ் பந்து வீச்சில் அவுட் ஆனார். அடுத்து வந்த கேப்டன் சண்டிமல் 5 ரன்னிலும், கருணரத்னே 24 ரன்னிலும், குசால் மெண்டிஸ் 14 ரன்னிலும், தனஞ்ஜெயா டி சில்வா 5 ரன்னிலும் வெளியேறினர்.


ஆஸி. வேகப்பந்து வீச்சாளர்கள்

அதன்பின்னர் ரோசன் சில்வாவுடன் விக்கெட் கீப்பர் டிக்வெல்லா ஜோடி சேர்ந்து நிதானமாக விளையாடினர். நீண்ட நேரம் களத்தில் தாக்குப்பிடித்த ரோசன் சில்வா 56 பந்துகளில் 9 ரன்கள் எடுத்து ஆட்மிழந்தார். ஒருபுறம் டிக்வெல்லா நிலைத்து நிற்க மறுபக்கம் பெரேரா 1 ரன்னிலும், லக்மல் 7 ரன்னிலும் ஆட்டமிழந்தனர். இதனால் இலங்கை 106 ரன்னுக்குள் 8 விக்கெட்டுக்களை இழந்தது.


விக்கெட் வீழ்த்திய மகிழ்ச்சியில் ஸ்டார்க்

இதற்குமேல் நின்று ஆடினால் பலனில்லை என்பதை புரிந்து கொண்ட டிக்வெல்லா அதிரடி ஆட்டத்தை வெளிப்படுத்தினார். அரைசதம் அடித்த டிக்வெல்லா 64 ரன்னில் ஆட்டமிழந்தார். அப்போது இலங்கை அணி 144 ரன்கள் எடுத்திருந்தது. சமீரா ரன்ஏதும் எடுக்காமல் கடைசி விக்கெட்டாக ஆட்டமிழக்க இலங்கை முதல் இன்னிங்சில் 144 ரன்னில் சுருண்டது.


டிக்வெல்லா

ஆஸ்திரேலிய அணி சார்பில் வேகப்பந்து வீச்சாளர் பேட் கம்மின்ஸ் 4 விக்கெட்டும், அறிமுக வேகப்பந்து வீச்சாளர் ரிச்சர்ட்சன் 3 விக்கெட்டும், மிட்செல் ஸ்டார்க் இரண்டு விக்கெட்டும் வீழ்த்தினர். பின்னர் ஆஸ்திரேலியா முதல் இன்னிங்சில் விளையாடி வருகிறது.

இலங்கை அணி ஆஸ்திரேலியாவுக்கு எதிராக 2 டெஸ்ட் போட்டிகள் கொண்ட தொடரில் விளையாடுகிறது. இதில் பகல்- இரவு டெஸ்டான முதல் ஆட்டம் பிரிஸ்பேனில் நாளை தொடங்குகிறது.

ஆஸ்திரேலியா தொடர் குறித்து இலங்கை அணியின் பந்து வீச்சு பயிற்சியாளர் ருமேஷ் ரத்னாயகே கூறியதாவது:-

2 டெஸ்ட் போட்டிகளுக்காக இந்திய அணியின் பவுலிங் யுக்திகளை ஆராய்ந்து வருகிறோம். எந்தெந்த இடங்களில் இந்திய பவுலர்கள் வீசினார்கள் என்பதை நாங்கள் பார்த்து வருகிறோம். அதாவது இந்திய அணி பவுலர்கள் என்ன செய்தார்களோ, மற்ற அணியினர் என்ன செய்தார்களோ அதை நாமும் செய்ய முடியும் என்ற நம்பிக்கையை இலங்கை பவுலர்களுக்கு ஏற்படுத்த வேண்டிய விஷயமாகும் இது. அந்த நம்பிக்கையைத்தான் இப்போதைக்கு நாங்கள் ஏற்படுத்த முயற்சித்து வருகிறோம்.

பேட்டிங், பவுலிங், ஏன் பீல்டிங்கிலும் கூட இந்திய அணி நிரூபித்துள்ளது, எங்கு சென்றாலும் நிரூபித்து வருகின்றனர். இதைத்தான் இந்திய அணியிடமிருந்து நாங்கள் எடுத்துக் கொள்ள விரும்புகிறோம். இங்கு டெஸ்ட் போட்டியில் வெல்ல வேண்டும் என்ற நோக்கத்துடன் வந்துள்ளோம். நியூசிலாந்து, தென் ஆப்பிரிக்கா செல்கிறோம். ஆகவே ஆஸ்திரேலியாவில் வெல்ல வேண்டும் என்பது விருப்பம். பார்ப்போம். இந்த முறை ஆஸ்திரேலியாவை வீழ்த்த நல்ல வாய்ப்பு உள்ளது. ஆனால் திட்டவட்டாக கூறமாட்டேன்.

இவ்வாறு கூறினார் ருமேஷ் ரத்னாயகே.

ஆஸ்திரேலியா - இலங்கை இடையிலான பகல்-இரவு ஆட்டமாக நடக்கும் முதல் டெஸ்ட் கிரிக்கெட் போட்டி பிரிஸ்பேனில் நாளை தொடங்குகிறது. இந்த டெஸ்ட் தொடருக்கான ஆஸ்திரேலிய அணியில் இருந்து காயம் காரணமாக ஹசில்வுட் விலகியுள்ளார். மிட்செல் மார்ஷ் நீக்கப்பட்டுள்ளார்.

இதனால் பேட் கம்மின்ஸ், டிராவிஸ் ஹெட் ஆகியோர் துணைக்கேப்டன்களாக நியமிக்கப்பட்டுள்ளனர். இலங்கைக்கு எதிரான பயிற்சி ஆட்டத்தில் இரண்டு இன்னிங்சிலும் சதம் விளாசிய கர்ட்டிஸ் பேட்டர்சன், இந்தியாவிற்கு எதிரான ஒருநாள் தொடரில் மூன்று போட்டிகளிலும் விராட் கோலியை வீழ்த்திய வேகப்பந்து வீச்சாளர் ரிச்சர்ட்சன் அணியில் சேர்க்கப்பட்டனர்.

இந்நிலையில் நாளைய போட்டிக்கான ஆஸ்திரேலிய லெவன் அணி அறிவிக்கப்பட்டுள்ளது. இதில் ரிச்சர்ட்சன், பேட்டர்சன் பெயர் இடம்பிடித்துள்ளது. இதனால் இருவரும் டெஸ்ட் போட்டியில் அறிமுகமாக உள்ளனர்.

ஆஸ்திரேலிய அணியில் இடம்பிடித்துள்ள வீரர்கள் விவரம்:-

1. மார்கஸ் ஹாரிஸ், 2. ஜோ பர்ன்ஸ், 3. கவாஜா, 4. மார்னஸ் லாபஸ்சேக்னே, 5. டிராவிஸ் ஹெட், 6. கர்ட்டிஸ் பேட்டர்சன், 7. டிம் பெய்ன் (கேப்டன் மற்றும் விக்கெட் கீப்பர்), 8. பேட் கம்மின்ஸ், 9. மிட்செல் ஸ்டார்க், 10. ரிச்சர்ட்சன், 11. நாதன் லயன்.

ஆஸ்திரேலியா - இலங்கை இடையில் இரண்டு போட்டிகள் கொண்ட டெஸ்ட் தொடர் நடைபெற இருக்கிறது. இந்தியாவிற்கு எதிரான டெஸ்ட் தொடரின்போது ஆஸ்திரேலிய அணியின் துணைக் கேப்டன்களாக ஜோஷ் ஹசில்வுட், மிட்செல் மார்ஷ் ஆகியோர் நியமனம் செய்யப்பட்டிருந்தனர்.

தற்போது ஜோஷ் ஹசில்வுட் முதுகுவலி காரணமாக தொடரில் இருந்து விலகியுள்ளார். மிட்செல் மார்ஷ் அணியில் இருந்து நீக்கப்பட்டுள்ளார். இதனால் வேகப்பந்து வீச்சாளரான பேட் கம்மின்ஸ், பேட்ஸ்மேன் டிராவிஸ் ஹெட் ஆகியோர் துணைக் கேப்டன்களாக நியமனம் செய்யப்பட்டுள்ளனர்.


டிராவிஸ் ஹெட்

ஆஸ்திரேலியா - இலங்கை இடையிலான பகல்-இரவு ஆட்டமாக நடக்கும் முதல் டெஸ்ட் பிரிஸ்பேனில் நாளைமறுநாள் (24-ந்தேதி) தொடங்குகிறது. 2-வது மற்றும் கடைசி டெஸ்ட் பிப்ரவரி 1-ந்தேதி கான்பெர்ராவில் தொடங்குகிறது.

ஆஸ்திரேலிய கிரிக்கெட் அணி இலங்கைக்கு எதிராக இரண்டு போட்டிகள் கொண்ட டெஸ்ட் தொடரில் விளையாடுகிறது. முதல் டெஸ்ட் பிரிஸ்பேன் ‘கப்பா’வில் வருகிற 24-ந்தேதி பகல்-இரவு டெஸ்டாக நடைபெறுகிறது. இதற்கான ஆஸ்திரேலிய அணி ஏற்கனவே அறிவிக்கப்பட்டிருந்தது.

இலங்கை தொடருக்கான பயிற்சி ஆட்டத்தில் இடது கை பேட்ஸ்மேனான கர்ட்டிஸ் பேட்டர்சன் இரண்டு இன்னிங்சிலும் முறையே 157, 102 அடித்து ஆட்டமிழக்காமல் இருந்தார்.

இந்நிலையில் பிரிஸ்பேன் டெஸ்டிற்கான ஆஸ்திரேலிய அணியில் சேர்க்கப்பட்டுள்ளார். பேட்டர்சன் அணியில் சேர்க்கப்பட்டது குறித்து தேர்வாளர் டிரேவோர் ஹோன்ஸ் கூறுகையில் ‘‘கர்ட்டிஸ் வியாழக்கிழமை தொடங்கும் முதல் போட்டிக்கான ஆஸ்திரேலிய அணியில் இணைந்துள்ளார்.

ஆஸ்திரேலிய அணியில் இடம்பிடிக்க வேண்டுமென்றால், நாட்டில் நடக்கும் முக்கியமான தொடர்களில் சதம் அடிக்க வேண்டும். கர்ட்டிஸ் நியூ சவுத் வேல்ஸ் அணிக்காக தொடர்ச்சியாக சிறப்பான ஆட்டத்தை வெளிப்படுத்தி வருகிறார். கடந்த வாரம் நடைபெற்ற பயிற்சி ஆட்டத்தில் இரண்டு இன்னிங்சிலும சதம் அடித்துள்ளார். இதனால் அவர் அணிக்கு தகுதியானவர் என்று நாங்கள் நம்புகிறோம்’’ என்றார்.

இலங்கை கிரிக்கெட் அணி ஆஸ்திரேலியாவில் சுற்றுப்பயணம் செய்து 2 டெஸ்ட் போட்டியில் விளையாடுகிறது. முதல் டெஸ்ட் வருகிற 24-ந்தேதி பிரிஸ்பேனில் பகல்- இரவாக தொடங்குகிறது. இந்தப் போட்டிக்கான இலங்கை அணி அறிவிக்கப்பட்டுள்ளது. குஷால் பெரேரா அணிக்கு அழைக்கப்பட்டுள்ளார். தனுஷ்கா குணதிலகா நீக்கப்பட்டுள்ளார். காயம் காரணமாக முன்னாள் கேப்டன் மேத்யூஸ் அணியில் இடம் பெறவில்லை.

இலங்கை அணி வருமாறு:-

சண்டிமல் (கேப்டன்), கருணாரத்னே, திரிமானே, குஷால் மெண்டிஸ், சமர விக்ரமா, தனஞ்ஜெயா டி சில்வா, ரோசன் சில்வா, டிக்வெல்லா, குஷால் பெரேரா, திசாரா பெரேரா, சண்டகன், லக்மல், நுவன் பிரதீப், எல். குமாரா, சமரவீரா, ரஜிதா.

ஆஸ்திரேலியா - இந்தியா இடையில் நான்கு போட்டிகள் கொண்ட டெஸ்ட் தொடர் நடைபெற்றது. இதில் இந்தியா 2-1 என வெற்றி பெற்று தொடரைக் கைப்பற்றியது. சொந்த மண்ணில் ஆஸ்திரேலியாவின் முன்னணி பேட்ஸ்மேன்கள் பெரிய அளவில் சோபிக்கவில்லை. இந்திய வீரர்கள் ஐந்து சதங்கள் அடித்த போதிலும், ஆஸ்திரேலிய வீரர்கள் ஒரு சதம் கூட அடிக்கவில்லை.

குறிப்பாக ஷான் மார்ஷ், மிட்செல் மார்ஷ் ஆகியோரால் எந்தவொரு சூழ்நிலையிலும் இந்தியாவிற்கு நெருக்கடி கொடுக்க முடியவில்லை. அதேபோல் ஆரோன் பிஞ்ச் தொடக்க வீரராக களம் இறங்கி சாதிக்க முடியவில்லை. மிடில் ஆர்டர் பேட்ஸ்மேன் பீட்டர் ஹேண்ட்ஸ்காம்ப் சொற்ப ரன்களே சேர்த்தார்.



இதனால் இலங்கைக்கு எதிரான டெஸ்ட் தொடரில் இருந்து இந்த நான்கு பேரும் அதிரடியாக நீக்கப்பட்டுள்ளனர். புகோவ்ஸ்கி, ஜோ பர்ன்ஸ், ரென்ஷா ஆகியோர் அணிகளில் சேர்க்கப்பட்டுள்ளனர்.

இலங்கை தொடருக்கான ஆஸ்திரேலிய அணியில் இடம்பிடித்துள்ள வீரர்கள் விவரம்:-

1. டிம் பெய்ன் (கேப்டன் மற்றும் விக்கெட் கீப்பர்), 2. ஹசில்வுட், 3. ஜோ பர்ன்ஸ், 4. கம்மின்ஸ், 5. மார்கஸ் ஹாரிஸ், 6. டிராவிஸ் ஹெட், 7. உஸ்மான் கவாஜா, 8. மார்னஸ் லாபஸ்சேக்னே, 9. நாதன் லயன், 10. வில் புகோவ்ஸ்கி, 11. ரென்ஷா, 12. மிட்செல் ஸ்டார்க், 13. பீட்டர் சிடில்.

இரண்டு போட்டிகள் கொண்ட டெஸ்ட் தொடர் வருகிற 24-ந்தேதி பிரிஸ்பேனில் தொடங்குகிறது. 2-வது போட்டி பிப்ரவரி 1-ந்தேதி கான்பெர்ராவில் தொடங்குகிறது.